മാലിന്യ മുക്തം നവകേരളം ജനകീയ ക്യാംപെയ്‌ൻ രണ്ടാം ഘട്ട പദ്ധതിയുടെ പഞ്ചായത്ത്തല ഉദ്ഘാടനം നിർവഹിച്ചു;കുമ്മനം ഗവൺമെൻ്റ് യു.പി എസ് ഹരിത സ്ക്കൂൾ
അയ്മനം : മാലിന്യ മുക്തം നവകേരളം ജനകീയ ക്യാംപെയ്‌ൻ രണ്ടാം ഘട്ട പദ്ധതിയുടെ പഞ്ചായത്ത്തല ഉദ്ഘാടനം കുമ്മനം ഗവൺമെൻ്റ് യുപി സ്കൂളിൽ സംഘടിപ്പിച്ചു.
അയ്മനം ഗ്രാമ പഞ്ചായത്ത് വൈസ് പ്രസിഡൻ്റ് മനോജ് കരീമഠത്തിൻ്റെ അദ്ധ്യക്ഷതയിൽ കൂടിയ യോഗം ഗ്രാമ പഞ്ചായത്ത് പ്രസിഡൻ്റ് വിജി രാജേഷ് ഉദ്ഘാടനം ചെയ്തു. ക്ഷേമകാര്യ സ്റ്റാൻഡിംഗ് കമ്മറ്റി ചെയർമാൻ ജഗദീഷ് കെ.ആർ യോഗത്തിന് സ്വാഗതം ആശംസിച്ചു. കുമ്മനം ഗവൺമെൻ്റ് യു.പി സ്ക്കൂളിനെ ഹരിത സ്ക്കൂളായി ഗ്രാമപഞ്ചായത്ത് പ്രസിഡൻ്റ് പ്രഖ്യാപിച്ചു. പരിസ്ഥിതി സംരക്ഷിക്കേണ്ടതിൻ്റെ പ്രാധാന്യവും, മാലിന്യ നിർമ്മാർജ്ജന പ്രവർത്തനങ്ങളും സംബന്ധിച്ച് വിദ്യാർത്ഥികളിൽ സാമൂഹിക അവബോധം സൃഷ്ടിക്കുക എന്നതാണ് ഹരിത സ്ക്കൂളിൻ്റെ പ്രഖ്യാപിത ലക്ഷ്യം .ചടങ്ങിൽ മാലിന്യ മുക്ത പ്രതിഞ്ജ CDS ചെയർപേഴ്സൻ രത്നകുമാരി ചൊല്ലിക്കൊടുത്തു.വിദ്യാർത്ഥികൾ, അധ്യാപകർ, പഞ്ചായത്ത് ജീവനക്കാർ ,ഹരിത കർമ്മ സേനാംഗങ്ങൾ, തൊഴിലുറപ്പ് തൊഴിലാളികൾ, കുടുംബശ്രീ പ്രവർത്തകർ, ആരോഗ്യ പ്രവർത്തകർ, പൊതുജനങ്ങൾ തുടങ്ങിയവരുടെ നേതൃത്വത്തിൽ സ്ക്കൂൾ പരിസരം മാലിന്യ മുക്തമാക്കുകയും ചെയ്തു. ആശംസകൾ അർപ്പിച്ചു കൊണ്ട് ആരോഗ്യ വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്സൺ കെ. ദേവകി ടീച്ചർ, ഗ്രാമ പഞ്ചായത്തംഗങ്ങളായ മിനി മനോജ്, ശോശാമ്മ ഷാജി, പഞ്ചായത്ത് ജൂനിയർ സൂപ്രണ്ട് മധു .ഡി , സ്കൂൾ അദ്ധ്യാപകൻ രാജീവ് തുടങ്ങിയവർ സംസാരിച്ചു. കൂടാതെ അയ്മനം ഗ്രാമ പഞ്ചായത്തിൻ്റെ ആഭിമുഖ്യത്തിൽ വാർഡ് മെമ്പറന്മാരുടെ നേതൃത്വത്തിൽ എല്ലാ വാർഡുകളിലേയും തിരഞ്ഞെടുത്ത പ്രദേശങ്ങളിൽ ശുചീകരണ പ്രവർത്തനം സംഘടിപ്പിച്ചു.
ഗാന്ധി ജയന്തി ആഘോഷം
SPORTS 2024
ഉപജില്ലാ ശാസ്ത്രമേള 2024
ചിലങ്ക 2024
കുമ്മനം ഗവൺമെൻറ് യുപി സ്കൂളിൽ സ്കൂൾ കലോത്സവം ചിലങ്ക 2024 ഒക്ടോബർ 22,23 തീയതികളിൽ നടത്തപ്പെട്ടു. അയ്മനം ഗ്രാമപഞ്ചായത്ത് 12-ാം വാർഡ് മെമ്പർ ശ്രീ.ജഗദീഷ് കെ ആർ കലാമത്സരങ്ങൾ ഉദ്ഘാടനം ചെയ്തു.വിവിധ ഇനങ്ങളിലായി കുട്ടികൾ ഉത്സാഹപൂർവ്വം മത്സരങ്ങളിൽ പങ്കെടുത്തു.
പാചക മത്സരം
No comments:
Post a Comment